ભારતીય હવામાન વિભાગ દ્વારા તા. ૩૧ જુલાઈના રોજ નવસારી જિલ્લામાં ભારે વરસાદની આગાહી કરવામાં આવી છે.
આ આગાહીના અનુસંધાને નવસારી જિલ્લા વહીવટીતંત્ર દ્વારા તમામ તાલુકાઓ અને ગ્રામ્ય વિસ્તારોમાં જરૂરી સાવચેતીના પગલાં લેવામાં આવી રહ્યા છે તેમજ સ્થાનિક તંત્રને આગોતરી સૂચનાઓ આપવામાં આવી રહી છે.
નવસારી જિલ્લાના ખાસ કરીને નીચાણવાળા વિસ્તારોમાં રહેતા તમામ નાગરિકોને સાવચેત રહેવા, બિનજરૂરી અવરજવર ટાળવા તેમજ ભારે વરસાદ દરમિયાન જોખમી સ્થળોથી દૂર રહેવા અનુરોધ કરવામાં આવે છે.
નવસારી જિલ્લા વહીવટીતંત્ર દ્વારા સમયાંતરે આપવામાં આવતી સૂચનાઓ અને માર્ગદર્શિકાનું કડક પાલન કરવા તથા તંત્રને સંપૂર્ણ સહયોગ આપવા તમામ નાગરિકોને અપીલ કરવામાં આવે છે.કોઈપણ પ્રકારની આપત્તિજનક પરિસ્થિતિમાં સ્થાનિક વહીવટી તંત્ર અને નિયંત્રણ કક્ષાનો તાત્કાલિક સંપર્ક કરવા ખાસ અનુરોધ કરવામાં આવે છે.
