નવસારી રેલવે સ્ટેશનને બાંદ્રા–જયપુર એક્સપ્રેસનું સ્ટોપેજ

નવસારી રેલવે સ્ટેશનને બાંદ્રા–જયપુર એક્સપ્રેસનું સ્ટોપેજ

કેન્દ્રીય જલશક્તિ મંત્રી શ્રી સી. આર. પાટીલજી  અને નવસારી જિલ્લા ભાજપ પ્રમુખ ભૂરાભાઈ શાહની આગેવાનીમાં કેન્દ્રીય રેલવે મંત્રી અશ્વિની વૈષ્ણવ સાથેની બેઠકમાં કરાયેલી રજૂઆતને સફળતા

નવસારી: નવસારીના રેલવે મુસાફરો માટે મહત્વપૂર્ણ સમાચાર સામે આવ્યા છે. ટ્રેન નંબર 22933/22934 બાંદ્રા–જયપુર એક્સપ્રેસને નવસારી રેલવે સ્ટેશને સ્ટોપેજ મળ્યું છે. આ નિર્ણયથી નવસારી સહિત સમગ્ર દક્ષિણ ગુજરાતના મુસાફરોને મુંબઈ અને રાજસ્થાન તરફની મુસાફરીમાં વધુ સુવિધા મળશે.

નવસારી રેલવે સ્ટેશન પર આ ટ્રેનને સ્ટોપેજ મળે તે માટે નવસારીના સાંસદ તથા કેન્દ્રીય જલશક્તિ મંત્રી શ્રી સી. આર. પાટીલજી અને નવસારી જિલ્લા ભારતીય જનતા પાર્ટીના પ્રમુખ શ્રી ભૂરાભાઈ શાહની આગેવાનીમાં પ્રતિનિધિમંડળે કેન્દ્રીય રેલવે મંત્રી શ્રી અશ્વિની વૈષ્ણવજી સાથે બેઠક કરી હતી. બેઠક દરમિયાન નવસારીના મુસાફરોની જરૂરિયાતોને ધ્યાનમાં રાખીને બાંદ્રા–જયપુર એક્સપ્રેસને નવસારી ખાતે સ્ટોપેજ આપવા અંગે રજૂઆત કરવામાં આવી હતી.

રજૂઆતને પગલે હવે નવસારી રેલવે સ્ટેશનને આ મહત્વપૂર્ણ ટ્રેનનું સ્ટોપેજ મળ્યું છે. જેના કારણે નવસારી, ગણદેવી, બિલીમોરા, ચીખલી, જલાલપોર સહિત દક્ષિણ ગુજરાતના આસપાસના વિસ્તારોના મુસાફરોને પણ તેનો લાભ મળશે.

ખાસ કરીને વેપાર, રોજગાર, શિક્ષણ અને અન્ય કામકાજ માટે મુંબઈ તથા રાજસ્થાન તરફ મુસાફરી કરતા લોકો માટે આ સ્ટોપેજ ઉપયોગી બનશે. નવસારી ખાતે વધુ એક મહત્વપૂર્ણ ટ્રેનના સ્ટોપેજથી વિસ્તારની રેલવે કનેક્ટિવિટી પણ વધુ સુદૃઢ બનશે.

આ મહત્વપૂર્ણ રેલવે સુવિધા બદલ પ્રધાનમંત્રી શ્રી નરેન્દ્રભાઈ મોદીજી, કેન્દ્રીય રેલવે મંત્રી શ્રી અશ્વિની વૈષ્ણવજી, નવસારીના સાંસદ તથા કેન્દ્રીય જલશક્તિ મંત્રી શ્રી સી. આર. પાટીલજી અને નવસારી જિલ્લા ભાજપ પ્રમુખ શ્રી ભૂરાભાઈ શાહનો આભાર વ્યક્ત કરવામાં આવ્યો છે.