નવસારી જિલ્લા કલેકટરના માર્ગદર્શન હેઠળ જિલ્લાની ટીમોએ આઠ વાજબી ભાવની દુકાનોની આકસ્મિક તપાસણી કરવામાં આવી
આગામી સમયમાં નિયમોનુસાર કાર્યવાહી હાથ ધરવામાં આવશે
નવસારી જિલ્લા કલેકટરશ્રીના માર્ગદર્શન હેઠળ નવસારી જિલ્લામાં વાજબી ભાવની દુકાનો દ્વારા જાહેર વિતરણ વ્યવસ્થા હેઠળ અગ્રતા ધરાવતાં કુટુંબોને કરવામાં આવતા વિતરણ સંદર્ભે કુલ ૭ ટીમોની રચના કરી ૭ વાજબી ભાવની દુકાનો પર તા.૧૧/૦૯/૨૦૨૬ નાં રોજ આકસ્મિક રેડ કરવામાં આવી હતી. જે અન્વયે નવસારી (ગ્રામ્ય) તાલુકાની સિસોદ્રા (ગણેશ) વાજબી ભાવની દુકાન પર ઘઉં ૧૮૩૭.૫૦૦ કિગ્રા, ચોખા ૪૭૭ કિગ્રા તથા બાજરી ૧૨૬૭ કિગ્રા ઘટ હોવાનું જણાયું હતું. અન્ય તાલુકામાં પણ વાજબી ભાવની દુકાનોમાં રાખવાની થતી અન્ય તકેદારી બાબતે અમલવારી થતી ન હોવાનું જણાયું હતું.
આ ઉપરાંત તા.૨૭/૦૮/૨૦૨૬નાં રોજ મામલતદારશ્રી, વાંસદાને મળેલી ફરિયાદ અન્વયે વાંસદા તાલુકાની હનુમાનબારી ખાતે આવેલ વાજબી ભાવની દુકાનની તપાસણી કરવામાં આવતા તપાસણી દરમ્યાન ઘઉં ૩૧૦૪ કિગ્રા, ચોખા ૪૨૯૮ કિગ્રા, ખાંડ ૭૦૬ કિગ્રા, તુવેર દાળ ૧૯૨ કિગ્રા તથા ચણા ૬૪૭ કિગ્રા ઘટ જણાઈ હતી.
જે બાબતની ગંભીરતાથી લઇ સંબંધિત વાજબી ભાવની દુકાનના સંચાલકોને નોટીસ ફટકારવામાં આવી હતી. આગામી સમયામાં તેઓની સામે નિયમોનુસાર દંડાત્મક કાર્યવાહી કરવામાં આવશે.
